Генрих Шлиманның югалган дөньялары (18+)

Шәһәр китапханәсенә килеп, «Ышаныч» халыкка комплекслы социаль хезмәт күрсәтү үзәгенә йөрүчеләр Генрих Шлиманның тормышы һәм эзләнүләре турында белде. Комплекслы хезмәт күрсәтү бүлегендә борынгы дөнья тарихы һәм фән буларак археология барлыкка килүе буенча иллюстрацияле китаплардан күргәзмә оештырылды. 

Китапханәгә килүчеләр борынгы шәһәр-дәүләтләр турында белде, архаик Грециянең кыскача тарихы һәм Троян циклының легендалары белән танышты. Эшмәкәр, археолог һәм романтик Генрих Шлиманның эзләнүләр тарихын ишетте. 
Китапханәче тыңлаучыларны хәзерге вакытта Пушкин музеенда сакланучы «Клад Приама» дип аталган кызыклы тарих белән таныштырды.